Wednesday 21 January 2009

الفراق

الفراق
اصعب حاجة فى حياتنا اننا نفارق اللى احنا بنحبهم
سواء كانوا قريب او حبيب او صديق
وكدبة كبيرة بنضحك بيها على نفسنا دايما
هى خلينا صحاب احسن
عاوز افهم ازاى اتنين كانوا بيحبوا بعض هيبقوا صحاب
الحب بيقتل الصداقة
كنت اتمنى مقولش انى بحبك وكنا فضلنا زى ما احنا اصدقاء
مينفعش حد يصدق نفسة ويقول انا هسيب اللى بحبه وهنبقى اصحاب
يبقى كدة مكنش فى حب من الاساس
كنت عاوز اكتب اى حاجة
سلام

8 comments:

Anonymous said...

ايوة اعمل ايه يعنى ..!! معرفش حاجة عن حبك اللى كل شوية بيتحطم ده .. انا عندى حل كويس تحط ايميلى فى جروب لوحده .. ولما تيجى تبعت البلوج بتاعك ابعته للجروب اللى انا هبقى براه ..

Che Ahmad said...

عمر باشا حبيب قلبي

بص يا سيدي
حقيقة في حاجات كتير بالنسبة ليا بتحكم الحب يبقي صداقة ولا لأ
لما اتنين يتفقوا انهم ينهوا علاقة حب لانهم اكتشوا انهم مش متوافقين كمحبين اعتقد ممكن يبقوا اصدقاء
لو كان في حب من طرف والتاني لا وقاله انه مفيش من ناحيته حاجة معتقدش في مانع يكون في صداقة
الحاجة الوحيدة اللى تخلي الصداقة تنتهي بإنتهاء الحب هو وجود جرح او خيانة او كذب من طرف من الاتنين غير كدا مفيش تقريبا
دا رأيي يعني

Anonymous said...

والله يا احمد انت عندك حق
فعلا الحب بيقتل الصداقه
المشكله ان الواحد مش بيعرف ينسى
طيب يعمل ايه ؟؟؟
ربنا يصبر الواحد بقى ع اللى هو فيه

Anonymous said...

ابو عمر حبيب قلبى
اولا يارب تكون دلوقتى احسن من الوقت الى انت كتبت فيه الكلام ده
و على فكره انا متفق معاك فى كلامك يعنى ازاى بعد ماكنت شايف الانسان ده انه حبيبك وشريك حياتك
تقولى انسى كل الكلام ده وكمل معاه على انه صاحب
؟؟؟؟؟؟؟؟؟؟؟؟؟؟؟؟؟؟؟؟؟؟
هوه عزاب
الا لوماكنتش بتحبه من الاساس
ولا انت شايف ايه؟
سلام


نجيب

بنت من زحل A girl from Saturn said...

بص يا جوست افندى
انا من اللى شفته من الناس
بقيت امشى بمقولة اللى يبيعك بيعه
او اقولها لك بطريقة ذوق شوية
don't let someone become a priority in your life when you are just an option in their Life
الحب لازم يكون حاجة مشتركة بين الاتنين عشان يكون ناجح
ربنا يوفقك يا عمر وركز فى مستقبلك عشان تثبت نفسك

ShiMOo said...

حب يبقى صداقه ... انسى ... ده مستحيل
مفيش حاجه اسمها كده
ولو حصل وبقى صداقه يبقى ده مكنش حب اصلا
لان لو كنت بتحبه بجد مش هتستحمل يبقى قدامك ومش ليك

مواطن مصري said...

عندك حق

Anonymous said...

The information were very helpful for me, I've bookmarked this post, Please share more information about this
Thanks