الصداقة
كلمة كبيرة اوى
بس ياترى احنا عارفين معناها اية؟
ياترى اى حد اشوفة واتعرف علية يبقى صاحبى ؟
ياترى اى واحد اعرفة اديلة اسرارى ؟
الصديق اللى بجد يا جماعة هو الى يضحى علشان صاحبة باى حاجة
هو اللى يكون بيحب صاحبه دة ممكن اكتر من نفسه
ممكن يفضلة فى حاجات على نفسه
بيقف معاك فى اوقات الحزن والشدة قبل الفرح
الصداقة دى نعمة كبيرة جدا
الحمد لله ربنا اعطانى اصحاب بيحبونى واحبهم
بخاف عليهم وبيخافوا عليا
لو شافونى زعلان يزعلوا علشانى ويحاولوا يفكوا عنى
ولو فرحت بيبقوا فرحانين لفرحى
ياترى انتوا اية رايكم بقى فى الصداقة من وجهة نظركم؟
وياترى كل واحد منكم لية واحد بيعتبرة انتيمة بجد؟
بالنسبة ليا انا اللى عاوز يعرف مين احمد عمر
ممكن يسال عليا اربعة بس
واكتر واحد فيهم يعرف كل حاجة عنى هوة مودى صاحبى انتيمى بجد
انتوا بقى مين انتيمكم واية رايكم فى الصداقة
يارب الموضوع يعجبكم
9 comments:
موضوع جميل جدا يا عمر ومهم جدا
اكيد طبعا مش اى حد بنعتبره صديق
ومش اى حد تديله اسرارك
الصديق زى ما انت قلت لازم يكون حد بيخاف عليك وعلى مصلحتك وممكن يفضلك على نفسه كمان
والشعور ده بيكون متبادل
يعنى هى علاقة قائمة على الصدق والثقة والأخذ والعطاء والحب
مش اى حد يستحق لقب صديق
لأنها فعلا كلمة كبيرة اوى وبتحمل معانى سامية جميلة اوى
انا مثلا اسرارى كلها مع والدتى لكن انتيمة وكده ماليش
انا اصلا بتعامل بطبيعتى واللى فى قلبى على لسانى مع كل الناس لكن فى حاجات مش باعرف اقولها لحد غير والدتى
ربنا يخليهالى يا رب
على فكرة فى ناس كتير بتلوم عليا انى مش ليا انتيم وان كده غلط
بس انا مبسوطة كده
عشان بجد اتغشيت فى ناس كتير
اكيد مش كل الناس زى بعضها بس انا ظبطت نفسى على كده
بالنسبة بقى لصحابك
ما اظنش فى حد يعرفك ومش يحبك يا عمر
وربنا يخليكوا لبعض انت واصحابك
ميرسى كتير يا نور على ردك الجميل
وربنا يخليلك والدتك يارب
مش هم يكون لينا اصحاب بس يكون فى حد نفضفض معاه
مامتك قامت بالدور دة يبقى خلاص
ربنا يخليهالك
وميرسى كتير على مجاملتك الجميلة دى يا نورهان
ويارب نفضل سوا على طول احنا بنينا مستقبلنا مع بعض فى خيالنا
يارب القدر ميفرقناش يارب
الله على مواضيعك ياابو عمر يا وحش
الصديق دة معناه كبير اوى بس يا خسارة الصديق الحق صعب تلاقيه اليومين دول بس انت صاحبى يا عمرههههههههه
بس المهم ان الواحد يحمد ربنا لما يلاقى الصاحب اللى يعتبرة دراعة اليمين
ويعتبره نفسه لما ييجى يتكلم كانه بيتكلم مع نفسه
المهم انت ومودى انا بحبكم جدا
وانتو فعلا تستحقوا كل خير
وانت عارف يا عمر انك انت ومودى وناجى حاجة تانية بالنسبالى
ربنا يخليكوا لبعض
موضوع جامد جدا يا عمر
بس الصديق اللى بجد بقى صعب تلاقيه فالدنيا دى
ومش اى حد يقعد معاك شويه ويكلمك يبقى صحبك لان الصحوبيه لها قواعد واساس
وزى ما انت قلت الصديق اللى بجد اللى يحس بيك اما تكون فرحان وتفرحوا سوا وتحس بيك اما تكون زعلان وتزعلوا سوا
سعنى زى ما بيقولوا بتستحملوا بعض عالحلوة والوحشه
وانا عارفه احمد عمر من غير ما اسال مودى ولا لازم اروح اساله (اختيارى ولا اجبارى) ههههه
عالعموم ربنا يخليكم لبعض ويخليلك كل صحابك
وبالنسبه لحته ليا انتيم ولا لا؟؟
ما انت عارف برده انا ليا صحاب كتير واكيد ليا فيهم انتيمه بس بقوا اتنيمه ونصف
ههههههههههههههه
شكرا على موضوعك
الصداقة شئ جميل جدا
بس للى يفهموا صح
كتير ناس بتفتكر انها عندها اصدقاء كتير
بس لو جت فى لحظة هتلاقى ان دة وهم
رسماة لنفسها
ويابختك ياعم بصحابك الجامدين
(حبة قر بقى بس ماتخفش عينى مش مدورة)
انا فى حياتى كلها ماقبلتش غير اتنين بجد حبتهم وحبيت صداقتهم جدا
وااحدة زميلتى
والتانى اخ لم تلدة امى
تحياتى
الفرعونة العاشقة
ميرسى كتير يا مرمر على ردك الجميل
وفعلا ردك بيايد تفكيرى فى الحكاية دى
ويا ستى مش لازم تسالية دة اختيارى
هههههههههههههههههههههههه
وربنا يخليلك انتيمتك يا ستى
بس كتر الناس ممكن ميكونش فيهم صحاب بجد
فكرى كويس
اهلا بيكى (الفرعونة العاشقة)..
وفعلا فى ناس كتير بتفتكر ان كتر الاشخاص حواليها يعتبروا اصدقاء بس دة مش حقيقى رغم انى مععارفى كتير جدااااااااا
بس بردة ماليش غير دول بس هما اللى اصحابى
وياستى مفيش قر ولا حاجة
وربنا يخليلك اصحابك
سلام
هاااااااااااااى
الحمد لله يا احمد فكرت كويس ونقيت من الناس اللى اعرفهم اللى ينفعوا يبقوا اخواتى واصحاب بجد
سلامى
طيب كويس الحمد لله يا مرمر
ربنا يخليهوملك يارب
ويخلى كل الاصحاب الجدعاااااااااااان
Post a Comment