فصفع أحدهما الآخر … فتألم الصديق لصفعة صديقه …
ولكن لم يتكلم !! بل كتب على الرمل … " اليوم أعز أصدقائي صفعني على وجهي " ……
وواصلا المسير ووجدا واحة فقررا أن يستحمّا في الماء …
ولكن الذي صفع وتألم من صديقه غرق أثناء السباحة …
فأنقذه صديقه الذي صفعه …
ولما أفاق من الغرق …
نحت على الحجر …" اليوم أعز أصدقائي أنقذ حياتي "
فسأله صديقه … عندما صفعتك كتبت على الرمل ..!!!
لكن عندما أنقذتك من الغرق كتبت على الحجر..!!! فلماذا ؟؟؟
فابتسم وأجابه : عندما يجرحنا الأحباب علينا أن نكتب ما حدث على الرمل …
لتمسحها رياح التسامح والغفران … ولكن عندما يعمل الحبيب شيء راااائع علينا أن ننحته على الصخر حتى يبقى في ذاكرة القلب حيث لا رياح تمحوه !!.
فهل كنت أنتَ أو أنتِ لتفعليـن ذلك؟؟وهل علينـا ان نسامح؟ولماذا لا نسامح؟؟
..................................................
المسامحة هي عملية تتشافى بها روحك .. هي عملية فيها خطوات، وربما مطبات فشل وتردد، وهي عملية تحدث في قلبك وروحك من الداخل . إن أول أحساس يصيبك هو الأحساس بالحرية وقبول القضاء والقدر .... قبول ضعفك وضعف الآخرين وتقبل أنك بشر وقبول أنك قادر علىمحاولة الأحساس الجديد وكأنه أعظم شيء وليس ضعفاً .......
المسامحة علامة جيدة .. لا لضعفك بل لقوة إرادتك في قرار شجاع، ناضج،مثالي ......
المسامحه هي قدرة على أطلاق مشاعر متوترة مرتبطة بأمر حصل في الماضي القريب والبعيد ........
المسامحة هي الوصول إلى نقطة تدرك أنت فيها أنك لست في حاجة إلى الغضب ولا للإحساس بأنك الضحية،وبذلك فإن حياتك بها سلامة وحرية أفضل من السابق .........
المسامحة هي أنطفاء لرغبة في رد الأذى لمن آذاك والعيش مع أحساس أخف وألذ على الروح والعقل .......
المسامحة هي الوصول إلى قناعة بأن أي أذية تسببها للآخر لن تشفي روحنا المجروحة.إن المسامحة هي حرية للعقل المحبوس بالغضب والألم ورغبة الانتقال إلىعالم فيه حياة أفضل .....
المسامحة هي مساعدة نفسك لأن تسير في الحياة خطوات إلى الأمام بدلاً من أن تكون واقفاً في ذات التجربة المؤلمة ......
النقطة الأهم أن تعرف أن المسامحة هدية منك إليك .. أنها شيء تعمله لنفسك حتى تنذها من وضع أنت تعرف أنه ليس جيداً ولن يتركك إلا في حال سيئه ...
...........................................................
ممكن يكون فعلا فى حاجات مينفعش نسامح الناس اللى بنحبهم فيها
بس لو فكرنا كويس ممكن نعرف انهم ممكن يكون مكنش قصدهم
مكنش قصدهم يجرحوا الناس اللى بيحبوهم
انا اسف
ومستنيكى لسة تسامحينى
الاجزاء الاولى فى البوست جمعتها من بعض المنتديات
14 comments:
عمر يا قمر
رغم اتفاقي معاك فى اللي قولته لكن ليا تعليق هتلاقيه عندي ع البلوج
http://how-am-i.blogspot.com/
تشي
تشى الجميل
طبعا انا شفت التعليق بتاعك
وهرد عليك
بتقول ان ساعات التسامح بيتفسر على انه ضعف شخصية
ارد اقولك عمر ما كان التسامح ضعف شخصية التسامح دة بيخليك تحس قدام نفسك انك انسان كبير فى القيمة
بيخليك حاسس ان الدنيا كلها خير وتسامح ومبتشوفش فيها اى حاجة وحشة
فعلا انت لو عاوز تسامح هتسامح لكن الشريط اللى بيمر قدامك هوة اللى بيمنعك من كدة
انت بتسامح مش علشان اى حد اكتر ماهو علشان نفسك يا احمد
ممكن تقول انا سامحت وتنسى اللى حصل كله بس متعيش بغضب وحنق على حد لان دة بيخليك دايما حاسس انك مخنوق ومضايق ودة شعور مش لذيذ
على فكرة صحيح :
لقد أخطأتى حين ظننتى أني
أبيع رجولتي وأذل نفسي
كان غباء تفسير حبي على انه ضعف من
احب اقولك يا احمد ان معظم البنات بيعتبروا ان الولد لما يكون بيحاول يعبر عن حبه وميزعلهومش انه ضعيف الشخصية ودة مبيبقاش صحيح
التسامح يا احمد صفة من الصفات النادرة فى حياتنا والصفة دى فيك لازم متقتلهاش وتخليها دايما موجودة فيك
تحياتى ليك يا جميل
عمر
ياه عليكم انتوا شويه اصحاب جمال قوي يارب يكرمكوا ويحققلكوا كل االلى تتمنوه ويلى دايما قلبنا كبير يسامح كل واحد غلط فيه
سعيده بمرزرى بمدونتك
ربنا يوفقك
ميرسى كتير ليكى يا جيجى على رايك
نورتى البلوج
تحياتى
بصراحة يا عمر المضوع دة جامد
بس عايز اقولك حاجة التسامح فعلا صفة جميلة بس صدقنى فى ناس بتفهمها غلط لان اصلا الناس دى متستحقش ان احنا نسامحها لانها شايفة انك لما تسامح حد دة معناة انك ضعيف وبيعتبروا ان الانسان اللى بيسامح دة معندوش شخصية
الانسان اللى بيسامح دة انسان طيب اكيد من جواه لانها خصلةجميلة بس يا خسارة فى ناس بتحاول تمحيها عند الانسان الطيب دة
وعايز اقولك حاجة الانسان اللى بيحب حد لازم يسامحه لان التسامح صفة من داخل صفات الحب
الا بقى لو مكنش فيه حب واصله كان تسلية فاهمنى حتى لو الانسان دة جرح اللى بيحبه اكيد هيزعل منه اللى بيحبه بس هييجى يوم ويسامحه ودة فى حالة الحب الحقيقى مش (حب والسلام)معلش
مكتبتش بوستس عندى بقالى كتير علشان ظروف الامتحانات اللى احنا فيها ضايعين يا عمر بس استنى منى مواضيع نارية بعد الامتحانات
سلام يا صاحبى
اممممممممممممم
موضوع مهم
هو فعلا للأسف فى ناس كتير بتعتبر الشخص المتسامح انه ضعيف الشخصية
وده طبعا غلط
الشخص المتسامح ده بيبقى عايش فى راحة نفسية بجد جميلة اوى
بجد نفسى اوصلها اوى انا الحمد لله بسامح كتير بس جروحى مش بتشفى بسهولة للأسف
واللى بيحب بجد بيسامح
بس طبعا مش كل الحالات ينفع فيها التسامح
ولو مستنى حد يسامحك اديله فرصته يقعد مع نفسه عشان يهدى ويقدر يسامح من قلبه
وربنا يسامحنا كلنا ويرحمنا
التسامح مع الاخرين بوجه عام بيبتدى من التسامح مع النفس
لو متسامح مع نفسك اكيد اكيد
هتكون متسامح مع الاخرين
مممممممممممم
انا بشوف التسامح في الحب دة مختلف شوية
بس المشكلة ان الحاجات دي ملهاش معايير
يعني بتختلف من شخص لشخص
من موقف لموقف
و من علاقة لعلاقة
كمان بيحدد دة شخصية الطرفين
فصعب تقول ان دي حاجة ستاندرد
التسامح بقي لو اللي بتحبه جرحك و هو مش قصده و غالبا بيكون مش قصده فلازم مساحة التسامح دي تبقي موجودة
لو قصده يجرحك او اتغير مرة واحدة او عمل حاجة بتضايقك أكتر من مرة فلازم يبقي في وقفة
هتفضل تحبه اه بس هتبقي مكسور من جوة
جرح الحبيب صعب شوية
فأكيد بيبقي صعب التسامح ساعتها
دة رأيي
سعيد باشا
ميرسى على رايك فى البوست
واحب اوضحلك حاجة
حتى لو الناس بتبص على ان اللى بيسامح ده ضعيف الشخصيه دة مبيغيرش حاجة
مادام الانسان نفسه مقتنع بنفسه وانه مش ضعيف ولا حاجة وان التسامح دة صفة جميلة جدا فى الانسان زى مانت بتقول يبقى التسامح دة هيخليه مرتاح جدا
وفعلا التسامح دة صفة من صفات الحب
والطرفين لازم يكونوا بيلتمسوا الاعذار لبعض
ومستنى يا سيدى مواضيعك المولعة بعد الامتحانات
اهى هانت اهى
انا بقول البوست منور عليه
اكيد علشان نور ردت عليه
منورة يا نورهان
ورايك جميل جدا
فعلا الانسان اللى بسامح دة بيكون عايش مرتاح جدا
واحلى حاجة فى الدنيا انك تنسى الحاجت الوحشة اللى بتتعمل فيكى
عمرك ما هتكونى مضايقة ابدا
وان شاء الله هتوصلى للحكاية دى قريب
وان شاء الله اللى مستنيهم يسامحونى هايسامحونى لو ربنا اراد ده
ميرسى على ردك يا نور
مدحت باشا
منور البلوج لاول مرة
ورايك جميل
وةقلت ما قل ودل
ميرسى لمرورك
فهمى باشا
رايك جميل
بس اكيد اللى بيحب دة عمره ما هيكون قاصد انه يجرح اللى بيحبه
ولازم اللى بيحبه ده يلتمسله العذر ويعرف انه عمره ما كان يقصد انه يجرحه
ميرسى على رايك يا باشااااااااا
Kalamak Kewaies 2awey
We Mante9y Gedan Gedan
thanks for this nice Words
موضوعك جميل جدا
والتسامح ف اى حاجه صفة جميلة
بس المهم انها تتقدر على انها صفة فينا واننا باقيين على الناس الى بنحبهم
مش ضعاف الشخصية
انت قولت فوق "عمر ما كان التسامح ضعف شخصية التسامح دة بيخليك تحس قدام نفسك انك انسان كبير فى القيمة
بيخليك حاسس ان الدنيا كلها خير وتسامح ومبتشوفش فيها اى حاجة وحشة"
كلامك صح جداا
بس كمان لازم يكون الطرفين بيسامحوا
مش معقول طرف واحد يبنى الحب والطرف التانى يهدم كل شويه
انت قولت اه مش بيبقه قاصده يجرحك بس لو الجرح التكرر يبقه حرام احنا بشر برضه
ف النهاية
بلوجك رااائع
تقبل مرورى
Post a Comment