قمة الالم
قمة الالم لما الواحد يكون بيضحك مع الناس
والناس تقول علية دة مبيشيلش هموم
وهوة من جواه بيدمر
لما يكون مش قادر يفضفض حتى لاقرب الناس لية
لما يحس بالجفاء من الناس اللى كان نفسة يحنوا علية
شعور قاسى جدااااااااا
استغفر الله العظيم
قمة الالم لما الواحد يكون بيضحك مع الناس
والناس تقول علية دة مبيشيلش هموم
وهوة من جواه بيدمر
لما يكون مش قادر يفضفض حتى لاقرب الناس لية
لما يحس بالجفاء من الناس اللى كان نفسة يحنوا علية
شعور قاسى جدااااااااا
استغفر الله العظيم
16 comments:
ياه فعلا احساس بشع وفى كتير بيمر بيه مش انت لوحدك يلا ربنا يسهل
تقبل مرورى
فعلا احساس مقزز
بس لية الناس اللى بنكون نفسنا نحكيلهم ونتكلم معاهم بنلاقيهم دايما فى اللحظة دى بعاد اوى عننا
يارب حلها انت من عندك
احساس صعب جدا
محدش يقدر يحس بيه غير اللى مجربه
بس انا زعلان منك يا عمر علشان انت
كنت بتزعل لما كنت بكتب بوست عن الحزن
وانت نفسك اللى قلتلى يا عم الدنيا متستاهلش
وهى فعلا ماتستهلش اللى بنعمله علشانها
وبعدين انا معاك يا بو عمر فى الحلوة والمرة
اوعدنى انك متكونش حزين ومش عايز اشوف نبرة الحزن دى تانى
انا عارف ان اللى بيضحك علطول حاجة من الاتنين اما يكون شايل هموم كتيرة وممكن يكون مش ف دماغه حاجة خالص
بس انت يا عمر من الناس الاولانية وصدقنى انا حاسس بيك اوى
بس خلى بالك المفروض نحمد ربنا على اللى احنا فيه
فى ناس كتير حالها اوحش مننا بكتير
مستنى وعدك ليا ماشى
ايه يا احمد الحزن ده كله
مفيش حاجه مستهله كل ده وهو فعلا احساس وحش بس هى دى الحياه ولازم نتعود عليها
سلامى
متزعلش يابو سعيد
انا قلتلك الكلام دة علشان انت كنت ناوى تخليها كلها حزن
انا كتبت البوست دة بس علان مضايق شوية وان شاء الله ههدى
والانسان يابو حميد حياتة مش كلها فرح ولا كلها حزن
الحزن مالى العين
فعلا يا مروة كلام انا مقتنع بية جدا مفيش حاجة تستاهل الحزن دة
بس اكيد الواحد فى اوقات بيكون تعبان ونفسة يتكلم
واكيد ان شاء الله هرجع زى الاول وارجع اضحك واهزر
واكيد هنتعود على الدنيا كدة
ميرسى ليكى
عمر
مش عارف اقولك ايه
بس فعلا دا قمة الالم
مش هقدر اقولك حاجة علشان انا كمان كدا
ولو عندي كلام يتقال كنت قولتهولك
ياللا
تحياتي
تشي أحمد
متجرب تفضفض وانت هترتاح...حتى لو هتتكلم وانت بتعيط من كتر اللى جواك مش عيب...اهم حاجة تختار اللى تفضفض معاه ويكون حاسس بيك..واوعى تفكر فى يوم من الايام تدوس على (عقلك)مش قلبك... ياريت تستخدم عقلك بجد وبكل ثقة فى قدارتك تفكر ..وساعتها متأكد ان احمد عمر مش هيتألم خالص..
منور يا تشى
اول مرة ترد عندى
والله يا حمد فكر كويس واكيد هتلاقى اللى تقدر تقولة على اللى بيوجعك
سلالالالالالالام
حبيبى وصاحبى وانتيمى مودى
منور البلوج يابنى وربنا
مقولتليش يعنى انك رديت
انت عارف يا مودى انك الوحيد اللى بقدر افضفض معاه وبعيط قدامه من غير كسوف
علشان انت ..انا بالظبط
ربنا يخليك يا حج ليا يارب
وننجح سوا
ونطلع نشتغل سوا وننزل سوا بقى فى الطريق
هههههههههههههههههههههههههههههههههههه
الله يخليك ياحمد..انا مقولتش انى ع البلوج لان نسيت فعلا ههههههه...بس برده انت مردتش على كلامى..انت قولت منور وخلاص...سؤالى (هتدوس على عقلك بقى وتفضل كده؟؟)ولا هتستخدمه صح ولو المرة دى بس ؟؟ عاوزك تكون واثق فى قدراتك الفكرية..وتحكم عقلك..وانا واثق انك لو حكمت عقلك برده هتعرف تخرج من ده وبسرعة كمان؟؟ ها هتعمل ايه؟؟ولا هتقول مش عارف احكم عقلى !!(مفتكرش عمر هيقول مش عارف احكم عقلى مهما كانت الظروف)
اه يانا
انت كانك بتوصف حالتى
الناس بتشوفنى عمالة باضحك ومبتسمة على طول فاكرنى مش عندى مشاكل وكل حاجة تمام التمام
ماحدش عارف اللى فيها
يلا الحمد لله على كل شئ
وربنا يخفف من عنده
منور تانى يا مودى
والعقل والقلب مبيفترقوش يا مودى
وان شاء الله هحاول احكم عقلى بعد كدة
ومتحرمناش بقى يا حج من دخولك البلوج
ربنا يكون فى عون الجميع يا نور
والواحد بيكون بيضحك بس علشان ميشيلش حد همه
العقل حاجة والقلب حاجة تانية يا صاحبى..فكر بعقلك يا صاحبى وانت فاهمنى..وساعتها هتكون كسبان كتير اوووى..انا خايف عليك اوى...فكر ...ياريت يكون وصلك قصدى اللى مش قادر اعبرلك عنه لانى عارفك كويس !
ربنا يسهل يا مودى
واوعى تزعل منى فى الموضوع اللى حصل دة
انت عارف انه كان بحسن نية وعارف انا كنت ازاى الايام دى
سلام يا صاحبى
Post a Comment